जाजरकोट भूकम्प अपडेट :  रुकुम पश्चिममा ५२ को मृत्यु (मृतकको नाम सहित) 

कार्तिक १९ , जाजरकोट – शुक्रवार मध्यरातमा जाजरकोट केन्द्र बिन्दु भएर गएको भूकम्पमा परी रुकुम पश्चिममा ५२ जनाको मृत्यु भएको छ । जिल्लाका आठबीसकोट नगरपालिका र सानीभेरी गाउँपालिकामा गरी ५२ जनाको मृत्यु भएको जिल्ला प्रहरी कार्यालय रुकुम पश्चिमले जनाएको छ । जसमा महिला २७ जना र पुरुष २५ जना रहेका छन् । सबैभन्दा बढी क्षति आठबीसकोटमा भएको छ । त्यहाँ २३ महिला र १९ पुरुष गरी ४२ जनाको मृत्यु भएको जिल्ला प्रहरी प्रमुख प्रहरी नायव उपरीक्षक नमराज भट्टराईले जानकारी दिनुभयो । सानीभेरीमा १० जनाको मृत्यु भएको छ । महिला ४ र पुरुष ६ गरी १० जनाको मृत्यु भएको डिएसपी भट्टराईले जानकारी गराउनुभयो ।