सल्यानमा माओवादी र कांग्रेसबीच भागबन्डाको कुरा मिलेन्, गठबन्धन नगर्न निर्णय

Salyan Paribesh , ३२६  पटक हेरिएको

बैशाख ४, सल्यान ।

सत्ता साझेदार दल नेकपा माओवादी र कांग्रेसको सल्यानमा गठबन्धन नहुने भएको छ । आज बसेको सत्ता साझेदार दलको बैठकमा कांग्रेस र माओवादीबीच भागबन्डामा कुरा नमिल्दा गठबन्धनको विषय टरेको हो ।

सत्ता साझेदार दल नेपाली कांग्रेस, नेकपा माओवादी र एकीकृत समाजवादीले स्वछ प्रतिस्पर्धा गर्ने र गठबन्धन नगर्न निर्णय समेत गरेका छन् ।

कांग्रेसले क्षेत्र नं. १ मा केहि पालिका मागेको थियोे तर माओवादीले क्षेत्र नं. १ मा कुनै पालिका नछोडेपछि भागबन्डामा सहमति हुन सकेन् ।

अब पार्टीहरु एक्लाएक्लै चुनावमा भिड्ने गरि सहमति भएको छ । एमालेले फुटेको अवस्था सल्यानमा कांग्रेस र माओवादी मुख्य प्रतिस्पर्धी पार्टी हुन् ।

यी दुई दलको गठबन्धन नभए पनि एकीकृत समाजवादी पार्टीको कुन दलसँग गठबन्धन हुने भन्ने अझै हेर्न बाँकी छ । अहिले एकीकृत समाजवादी पार्टीलाई माओवादी र कांग्रेसले एक्लाएक्लै गठबन्धनको प्रस्ताव राखेको स्रोतले बताएको छ ।

साभार  : 

प्रकाशित मिति: २०२२-०४-१७ , समय : ११:१२:५९ , १० महिना अगाडि