मावि तह शिक्षक पदको सामान्य परीक्षा नतिजा सार्वजनिक

२० वैशाख, काठमाडौं । शिक्षक सेवा आयोगले माध्यामिक तह शिक्षक पदको सामान्य परीक्षाको नतिजा सार्वजनिक गरेको छ ।

आयोगले गत चैत १५ गते लिएको माध्यामिक तह शिक्षक पदको सामान्य परीक्षा नतिजा मंगलबार सार्वजनिक गरेको हो । उक्त पदका लागि १ हजार ५५२ रिक्त दरबन्दी शिक्षक पदपूर्तिका लागि सामान्य विषयको परीक्षा सञ्चालन गरेको थियो ।

आयोगका अनुसार २६ वैशाख कार्यालय समयभित्र ५०० राजस्व दस्तुर तिरेको सक्कल रसिद, न्यूनतम शैक्षिक योग्यता र तालिम तथा अध्यापन अनुमतिपत्रको प्रमाणपत्र एवम् प्रवेशपत्रको प्रतिलिपिसहित आयोगको वेवसाइटमा भएको पुनर्योग निवेदनको ढाँचा प्रिन्ट गरी सोही अनुसार भरेर शिक्षक सेवा आयोग सानोठिमी वा प्रदेश राजधानी रहेको जिल्लाको शिक्षा विकास तथा समन्वय इकाइमा निवेदन दिन सक्नेछन् ।

विषयगत परीक्षा असार ९ गते

यस्तै शिक्षक सेवा आयोगले विषयगत परीक्षा आगामी असार नौ गते हुने जनाएको छ ।

असार नौ गते बिहान ८ बजेदेखि प्रदेश नं. १ को मोरड, मधेश प्रदेशको धनुषा, बागमती प्रदेशको मकवानपुर, गण्डकी प्रदेशको कास्की, लुम्बिनी प्रदेशको रुपन्देही कर्णाली प्रदेशको सुर्खेत र सुदूरपश्चिम प्रदेशको कैलाली जिल्लामा सञ्चालन हुने सूचनामा उल्लेख गरेको छ ।

परीक्षाको नतिजा हेर्न यहाँ क्लिक गर्नुस् 

#अनलाइनखबर

प्रकाशित मिति: २०२२-०५-०३ , समय : ०८:२२:०८ , १ वर्ष अगाडि