Salyan Paribesh , ३९० पटक हेरिएको
बीमा समितिले बीमकको संस्थागत सुशासन सम्बन्धी निर्देशिका संशोधन गरेको छ । निर्देशिका तेस्रो पटक संशोधन गर्दै समितिले संञ्चालक तथा अध्यक्ष नियुक्त सम्बन्धी थप व्यवस्था गरेको हो ।
समितिले निर्देशिकाको दाफा ३ लाई संशोधन गर्दै मर्जरमा जाने बीमा कम्पनीहरुलाई सञ्चालक तथा अध्यक्ष नियुक्त गर्न थप एक कार्यकालको लागि छुट दिएको छ ।
बीमक गाभ्ने, गाभिने तथा प्राप्ती गर्ने सम्बन्धी निर्देशिका, २०७६ अनुसार बीमक गाभ्ने, गाभिने वा प्राप्ती गर्ने सम्बन्धी प्रयोजनका लागि प्रक्रिया शुरू गरेका वा समितिबाट सैद्धान्तिक सहमति प्राप्त गरेका बीमकको हकमा गाभ्ने, गाभीने वा प्राप्ती गर्ने सम्बन्धी प्रकृया सम्पन्न नभएसम्म समितिको पूर्व स्वीकृति लिई तत्काल कार्यरत संचालक वा अध्यक्ष थप एक कार्यकालका लागि संचालक वा अध्यक्षमा नियुक्त वा मनोनयन हुन दिइने भएको हो ।
त्यस अनुसार मर्जरमा जाने बीमा कम्पनीका अध्यक्ष तथा सञ्चालकको अर्को एक कार्यकाल थपिने भएको हो ।
यस अघि भने सञ्चालक दपमा नियुक्त वा मनोनित भई दुई वा सो भन्दा बढी कार्यकाल संञ्चालक वा अध्यक्ष भइसकेको व्यक्ति पुनः नियुक्त वा मनोनित हुन नपाउने व्यवस्था थियो ।
प्रकाशित मिति: २०२२-०६-१० , समय : १२:३९:३१ , १२ महिना अगाडि