तुला राम डाँगी क्षेत्रि , १३६८ पटक हेरिएको
सोलुखुम्बुको पाङबोचे मतदानस्थल जिल्ला कै सबैभन्दा उच्च स्थानमा रहेको मतदान केन्द्रमा परेको छ । खुम्बु पासाङल्हामु गाउँपालिका–४ स्थित पाङबोचे मतदानस्थल करिब चार हजार मिटरको उचाइमा रहेको निर्वाचन अधिकृतको कार्यालयले जनाएको छ ।
मङ्सिर ४ गते हुने निर्वाचनका लागि उक्त मतदान केन्द्रमा ३८४ जना मतदाता छन् भने मतदान अधिकृतसहित आठ जना कर्मचारी खटिएका छन् । उक्त मतदान केन्द्रमा मतदान अधिकृतका रुपमा खुम्जुङ माविका प्रधानाध्यापक ङवाङ दोर्जी वाईनङ (एनडी राई) खटिएका छन् ।
उच्च स्थान भएकाले पानी जम्नेलगायत विभिन्न चुनौतीका बीच व्यवस्थापनको काम गरिरहेको मतदान अधिकृत ङ्वाङ दोर्जी वाईनङ (एनडी राई)ले बताउनुभयो । जिल्लाको सबैभन्दा उच्च स्थानमा पाङबोचे मतदानस्थल परेको छ भने जिल्लाको सबैभन्दा कम उचाइको मतदान केन्द्रमा नेचासल्यान गाउँपालिका-४ स्थित सगरमाथा आधारभुत विद्यालय मतदान केन्द्र परेको छ ।
सल्यानमा सल्यानी र दंगालीको बबाल झाप्रे नाच
करिब आठ सय मिटरको उचाइमा अवस्थित सगरमाथा आवि सबैभन्दा कम उचाइको मतदान केन्द्र भएको मुख्य निर्वाचन अधिकृतको कार्यालयले जनाएको छ । उक्त केन्द्रमा सात सय ६७ जना मतदाता छन् भने आठ जना कर्मचारी खटिएका छन् । सो स्थलको मतदान अधिकृतका रुपमा प्रकाश राई खटिएका छन् ।—
प्रकाशित मिति: २०२२-११-१९ , समय : २३:५४:२६ , १ वर्ष अगाडि