आफ्नै देश विश्वकपबाट बाहिरिदा पनि सम्पूर्ण देशवासीले खुशीयालीका साथ उत्सव मनाएको दृश्य सार्वजनिक

कतारमा जारी फिफा विश्वकपमा मंगलबार राति भएको समूह ‘बी’को खेलमा अमेरिकासँग पराजित हुँदै ईरान बाहिरिदा सम्पूर्ण देशवासीले खुशी मनाएका छन् । आफ्नै देश विश्वकपबाट बाहिरिदा पनि सम्पूर्ण देशवासीले खुशीयालीका साथ उत्सव मनाएको दृश्य सार्वजनिक भएको हो ।

इरानमा अहिले सरकारविरुद्ध प्रदर्शन भइरहेका छन् । गत सेप्टेम्बर १६ मा माशा अमिनी नामक महिलाको प्रहरी हिरासतमा मृत्यु भएपछि सरकारप्ति लक्षित विरोध सुरु भएको हो । माशालाई हिजाब राम्रोसँग नलगाएको आरोप लागेको थियो ।

इरानमा महिलालाई टाउको नछोपी बाहिर निस्कन दिइदैन । कुनै महिलाले टाउको नढाकी बाहिर निस्किएको देखा परका त्यहाँका प्रहरीले महिलालाई नियन्त्रणमा लिएर सोधपुछ गर्ने गरेका छन् । प्रदर्शनकारीहरूले माशालाई प्रहरीले यातना दिएको र उनको मृत्यु भएको आरोप लगाएका छन् ।

इरानको राष्ट्रिय टोल सरकारकै अंग रहेको मान्दै इरानका जनताले अमेरिकासँगको हारलाई उत्सवको रुपमा लिएर खुशीयाली मनाए । उनीहरुले फुटबल टोलिले आम इरानी जनताको प्रतिनिधित्व नगर्ने उनीहरुको बुझाई छ ।

राजधानी तेहरान लगायत इरानका धेरै ठूला शहरमा मानिसहरु सडकमा उत्रिएर अमेरिकासँगको पराजयको उत्सव मनाएका छन् ।

इरानमा, पछिल्लो प्रदर्शनमा महिलाहरू सक्रिय रूपमा सहभागी छन् । उनीहरूले आफ्नो लागि थप अधिकार र खुलापनको माग गरिरहेका छन् । इरान सरकारले यस प्रदर्शनलाई दबाउन हरसम्भव प्रयास गरिरहेको छ ।

विश्वकपको पहिलो खेलमा इङ्गल्यणडविरुद्ध खेल शुरु हुनअघि इरानका फुटबलरहरुले राष्ट्रिय गान गाएका थिएनन् । प्रतियोगिताको शुरुवातमा इरान फुटबल टोलीका खेलाडीहरू पनि देशमा जारी विरोध प्रदर्शनसँग सहमत भएको बताइएको छ । तर, वेल्सविरुद्धको खेलमा उनले आफ्नो अडान बदलेर गान गाए । यसपछि इरानमा भएका प्रदर्शनका समर्थकहरूमाझ टोलीको लोकप्रियता घट्यो ।

इरान जारी विश्वकप अन्तर्गत समूहको तिनमध्ये दुई खेलमा हारको सामना गर्दै बाहिरिसकेको छ ।

प्रकाशित मिति: २०२२-१२-०१ , समय : ०९:००:०७ , ६ महिना अगाडि