सल्यान परिबेश डट्कम , २५५९ पटक हेरिएको
साउदी अरब। वैदेशिक रोजगारीको सिलसिलामा साउदी अरबमा कार्यरत एक नेपाली श्रमिकको सुतेको अबस्थामा मृत्यु भएको छ।
साउदी प्रतिष्ठित एक कम्पनीमा कार्यरत राहदानी नम्बर PA0644950 बाहक मोरङको पथरी ,शनिचरे-६का धन बहादुर तामाङको सुतेको अबस्थामा साउदीको यम्बुमा मृत्यु भएको नेपाली साझा मंच,देशको लागि केहि गरौं ,राष्ट्रिय समिति साउदीका संयोजक अकल प्रधानले बताए।
मृतक तामाङ शनिबार ड्युटी गरी खाना खाईओरी सुतेको थिए ,आइतबार बिहान ड्युटी जाने समय कोठा नखोलेपछी साथीहरुले कम्पनीको रोहवरमा कोठा खोली हेर्दा मृत्यु भएको अबस्थामा पाएको उनको साथीले जानकारी दिए।
लामो समय देखि सुगरको बिरामी रहेको ३८ बर्षीय तामाङले सुगरको इन्सुलिन लिदै आईरहेको थियो।उनी नेपालबाट आउनेक्रम दम्माम एयरपोर्टमा बेहोस भइ अस्पताल भर्ना भएका थिए ।
आफुले तामाङ कार्यरत कम्पनी र जेद्वा स्थित दूतावासमा समन्वय गरेर शव छिटै नै स्वदेश पठाउन पहल गरिरहेको बताउदै कम्पनीबाट मृतक तामाङले पाउने सेवा सुविधा, तलब र सहयोग लगायत बिषयमा कम्पनीको एच आर म्यानेजर संग समन्वय गरिरहेको र उनको मेडिकल रिपोर्ट आउन बाकी रहेको रिपोर्ट आएपछि काम हुने कम्पनीको एचआर म्यानेजरले बताएको संयोजक प्रधानले बताए ।
विगत ६ बर्ष साउदीमा कार्यरत तामाङ कोरोना महामारीमा नेपालमा रोकिएको थियो ,लामो समयपछिको प्रयास पुन: रोजगारीमा भर्ना भएको तामाङ छुट्टी जान २ महिना बाकी रहेको अबस्थामा मरुभूमिमा अस्ताएका छन् ।
निम्न आर्थिक अबस्थाको तामाङ पारिवारिक आर्थिक अबस्था सुधार्न भनेर रोजगारी सिलसिलामा साउदी आएका थिए। उनीनै साउदीमा अस्ताए पछि उनको परिवार शोकमा डुबेको छन् ।
साउदीमा प्राय : नेपाली श्रमिकहरु आफ्नो स्वास्थ्यलाई बेवास्ता गर्दै खानापानमा ध्यान नदिदा मृत्युवरण गर्नु परेको तितो यथार्थ रहेको छ।
नेपाली श्रमिकहरु खैनी तम्बाकु लगायत खजुरबोटे भनिने मादक पदार्थ सेवन गर्ने गर्दा स्वास्थ्यमा समस्या साथै अकालमा मृत्युवरण गर्ने गरेको पाएको छ।
साभार – पिटि अन्लाइन न्युज
प्रकाशित मिति: २०२३-०१-१७ , समय : ११:३४:१४ , ५ महिना अगाडि