सल्यान परिबेश डट्कम , १८५० पटक हेरिएको
माघ १६, तुलसीपुर – भारतीय नम्बर प्लेटको ट्याक्टरले ठक्कर दिदा दाङको तुलसीपुरमा २ महिला घाइते भएका छन् ।
घाइते हुनेमा सल्यानको कालीमाटी गाँउपालिका – १ घर भइ हाल तुलसीपुर उपमहानगरपालिका – ९ बेलुवा निवासी २१ वर्षकी अनु बुढा र त्रिवेणी गाउँपालिका – १ निवासी २४ वर्षकी मनिषा केसी रहेको इलाका प्रहरी कार्यालय तुलसीपुरका प्रहरी निरीक्षक पर्वत केसीले जानकारी दिनुभयो ।
घाइतेको राप्ती प्रादेशिक अस्पताल तुलसीपुरमा उपचार भइरहेको छ । बजारबाट बसपार्क तर्फ जाँदै गरेको यूपी ७८– सिएम २८१८ नम्बरको ट्रेक्टरले पिपलबोट नजिकै ठक्कर दिएको थियो । चालक सहित ट्रेक्टरलाई प्रहरीले नियन्त्रणमा लिएको छ ।
प्रकाशित मिति: २०२३-०१-३० , समय : २२:४४:५४ , ४ महिना अगाडि