सल्यान परिबेश डट्कम , ३४६६ पटक हेरिएको
सल्यान / फागुन, ११
(1)- भित्री आत्मदेखी सुस्ता हेर कालापानी हेर।
भोको पेटले मागेको हातमा राहदानी हेर।
तिनै भ्रष्ट नेताहरू हुन् बेच्न बाध्य बनाउने,
गरिब जन्ताको परदेशमा बैँस जवानी हेर।
(2)- बाध्यता भनुँ या रहर भएर काम गर्नुपर्छ।
प्रायःदिनहुँ मनमा डर भएर काम गर्नुपर्छ।
स्वदेशमा जस्तो कहाँ हुन्छ र पराइ देशमा,
नोकरको पनि नोकर भएर काम गर्नुपर्छ।
(3)- खुसी हुने र दु:खी हुने सबैको पालो आउँछ नि।
गन्तव्यहिन यात्रामा उकालो ओरालो आउँछ नि।
प्रकृतीको नियम न हो, थोरै पाएको हाँसो खुसी,
भत्काउन एकदिन मनमा भुँइचालो आउँछ नि।
मुक्तक सुन्नको लागि भिडियोमा क्लिक गर्नुस
(4)- समस्याहरू झन्झन् जटिल बन्दै जान्छ।
दु:ख पीडाहरूको मेहफिल बन्दै जान्छ।
काँडारुपी वचन प्रहार नगर म माथी प्रीय,
फेरि पत्थरजस्तै कठोर दिल बन्दै जान्छ।
(5)- दिन भन्दा नि त्यो रात हेरेर कुरा गर्छन्।
मान्छेले मान्छेको जात हेरेर कुरा गर्छन्।
त्यी आफ्ना भन्नेहरू कतै आफ्ना हुँदैनन्
बेला बखतमा औकात हेरेर कुरा गर्छन्।
प्रकाशित मिति: २०२३-०२-२३ , समय : १९:२३:५८ , ९ महिना अगाडि