सल्यान परिबेश डट्कम , १७२८ पटक हेरिएको
सल्यान / फागुन, २७
गत बिहीबार अजय वलीको मृत्युको घटनामा प्रहरीले मुचुल्का परिवर्तन गरेको भन्दै पीडितले राप्ती राजमार्ग बन्द गराएका छन्।
न्याय माग गर्दा प्रशासन र यातायात समितिले चासो नदेखाएको भन्दै मृतकका आफन्तलगायत स्थानीयवासीले शनिवार बिहान ९ बजेदेखि राजमार्ग बन्द गराएका हुन्।
गत बिहीबार सल्यान श्रीनगरबाट त्रिवेणी गाउँपलिकाको काभ्रा जाँदै गरेको लु २ ख १२२२ नम्बरको बसले विपरीत दिशाबाट गइरहेको रा ५प ३०४८ नम्बरको मोटरसाइकललाई ठक्कर दिएको थियो।
यो पनि पढ्नुस – लाेक स्टारको स्टेजमा सल्यानी पीएन साईलाले जजहरु लगायत आफ्ना प्रतीस्पर्दी लाइ समेत रुलाए
बसको ठक्करबाट गम्भीर घाइते चालक छत्रेश्वरी गाउँपालिका ३ पालेखोलाका १९ वर्षीय अजय वलीको उपचारका लागि सल्यान जिल्ला अस्पताल ल्याउँदा मृतयु भएको थियो।
बसका चालकलाई कारबाही र पीडितलाई क्षतिपूर्ति दिन माग गर्दै उनीहरू आन्दोलित भएका हुन्। जिल्ला प्रहरी कार्यालय सल्यानले कुनै पनि घटना हुन नदिन प्रहरी टोली पठाएको जनाएको छ।
प्रकाशित मिति: २०२३-०३-११ , समय : १३:५८:२८ , ९ महिना अगाडि